قررنا نبقى رجالة
و نشيل القضية مزبالة
و نقول يا مصر ليكي مين
إلا بنات فوق العشرين
قرروا يبقوا رجالة
أي نعم لسة لابسين
يا إما إيشارب يا إما حشمين
من غير شنب و لا مدكنين
على عضلات لكن شايلين
قضيتك و بكل يقين
ما تزعليش مني يا بلد
أصله يظهرصابك حسد
و عين حسود جابت الولد
من قصر حطين و العزة مدد
لسابع أراضين و الخُلُق خمد
لسة بتسألي خُلق إيه؟
أكيد في يوم هأقولك عليه
و اللا خليني أقولك....يمكن تنادي عليه
أو تسألي حد يعرفه...يتوصى بيه
يمكن في يوم نعتر فيه
أصل الحكاية من غير بداية
و قررت أحط بإيدي النهاية
لو خُلق الرجولة بقة إستحالة
و عالجبهة ماتوا الرجالة
يبقى مفيش غير رسالة
جاية تقول
احنا بنات و الشرح يطول
قررنا نبقى رجالة
و نشيل القضية مزبالة
و نرجع العزة لينا...و أهو بالمرة للرجالة
1 Express urself:
لو على كده حقنا نتدارى
وطالما احنا مش قادرين
نسيبهم بقى يرفعوا راسنا
ونمسك احنا ف ام الكلمة
اللي مش حاسين بقيمتها
الرجالة ماتوا ف الحرب
واللي موجود مابقاش ليه عازة
علشان كده حقنا نتخفّى
ونسيب الدنيا وونتدارى
علشان احنا مش الرجالة
خالص تحياتي
إرسال تعليق