عاوزة أدون بقالي كثييييييييييييير ما عملتش كده........... بس ده له ميزة و عيب، ميزته إني هطلع اللي جوايا....... عيبه إنه هيطلع مرة واحدة و تقريبا هيطلع عليكم .....

يللا احنا اتفقنا قبل كدة مدونتي و أنا حرة فيها أفردها...أكويها ...أغسلها .....اتنيها.... حرية شخصية يعني،

أصل فيه حاجات كثي اتغيرت من آخر رسالة أرسلتها:

أول حاجة اشتغلت :))

و أصبحت امرأة عاملة لأول مرة..... شعوري ايه؟

شعوري ملئ بالتناقضات، سعيدة لأن ربنا استجاب لدعائي، كنت بادعي كثير قوي الفترة اللي فاتت (اللهم افتح علي بالخير فتحا مبينا و اجعلني من الشاكرين لك عليه) و سعادة برده لأن الشغل له نشوة و سعادة -أحيانا طبعا مش على طول:)- بالرغم من أنه متعب جدا جدا جدا جدا، و ده اللي بيخلي المسألة فيها تناقض... تعبانة و عايزة أنام و لما بأنام بأنام بعمق فمبصحاش قيام ليل و أصبح الوقت لا يتسع إلا للعمل ، ده خلاني أفتكر جملة (حمار بالنهار، جيفة بالليل) مش عاوزة أكون كده، كده وداني هتطول أكثر زي الصورة كده:))

يا عالم عاوزة أشوف أهلي و أصحابي، عاوزة أرجع أقرأ زي زمان كتير، عاوزة أعمل عمل اجتماعي، عاوزة... عاوزة ....عاوزة...

طيب ركزي بأة انت عاوزة ايه بالظبط، شغل و اشتغلت، و الحياة اختيارات Life is choices تحبي سعادتك تختاري ايه؟؟؟

عارفين ايه؟؟

اخترت أتحدى أنا عاوزاهم كلهم و لازم أحقق أكبر قدر منهم، المسلم لازم يكون شخصية متكاملة، و إن شاء الله قررت ده يحصل...ادعولي يحصل و الله هتبقى حاجة ظريفة جدا.... حاسة إن ساعتها معنى اعمار الأرض هيتحقق، و حاسة إن هي دي أخلاق الرجولة اللي لازم تكون في كل حد فينا....مش كدة و اللا ايه:)

يتبع