كل سنة و انتو منكوبين

كل سنة و انتو منكوبين

كل سنة وانتو منكوبين

كل سااااااااانة و انتو منكوووبييين

كل سنة و انتو منكوبين

يوم 15\5 سيكون الذكرى الستون لنكبة فلسطين 48

و قبل أن تمتد أيديكم إلى السماء لتدعو علي قائلين:"هي البنت دي ماورهاش حاجة غير إنها تكئبنا في عيشتنا".

أقولكم على فكرة فلسطين ضاعت مننا قبل كدة أكتر من ستين سنة و رجعناها، و ما الستون في عمر الاحتلالات إلا قليل، فهنرجعها إن شاء الله، هترجع، هترجع كلها، كل شبر فيها هنرجعه.

لكن.....

عارفين امتى؟؟؟؟

لما بجد نقرر نبقى رجالة؟

سؤال باوجهه لكل واحد فيكم: تفتكر ايه الصفة اللي لازم ترجعها فيك و تفتكر إنها هي اللي هتنصر الأمة؟؟؟

أبدأ أنا الاجابات: أعتقد الثقافة هي الحل، ازاي أدافع عن حاجة أنا مش عارف تلات تربع قصتها..... فلسطين من حقنا....طب ليه يا عم؟.....مش عارف بس هو كده، بتاعتنا و خلاص من غير ليه...ده حق واضح و ضوح الشمس أنت أعمى و اللا ايه؟ .........و ما أعمى إلا اللي مش عارف قضيته.

لازم نعرف شخصية أعداءنا، ايه هدفهم؟ ايه فكرتهم؟ ازاي صمموا هدفهم و حددوا له خطة زمنية و مشيوا بخطوات ثابتة و كسبوا الجولة الأولى في المعركة؟

هل فعلا اللي بيحركهم دين اليهودية؟ و اللا حاجة تانية اسمها الصهيونية؟ هما واحد و اللا فيه فرق...و لو فيه ايه هو؟

هو احنا فعلا ارهابيين و اللا ايه؟ متوحشين يعني و قلبنا أسود؟

طب هما ؟ بني ءادميين يعني و بيحسوا و اللا فقدوا الاحساس؟ فيهم حد يعني نعرف نكلمه و اللا كلهم هنقولهم هاتلي ماما يا حبيبي أعرف أتفاهم معاها، ففعلا يروحوا يجيبولنا ماما أمريكا...... هي أمهم فعلا؟ و اللا ليها مصالح و بتستخدم إسرائيل في تحقيقها؟

و يا ترى احنا مهزومين منهم عسكريا بس و اللا فكريا كمان؟، طب لو فوقنا و قررنا ما ننهزمش فكريا و ثقافيا كده يبقى قربنا نحل القضية و اللا هنفضل طول عمرنا مهزومين؟

يللا يا ولاد هاديكم واجب يساعدكم في الحل: اقروا ده:http://tamimbarghouti.net/Tamimweb/Arabic/articles/USAarticle.htm

دي مقالة على فكرة مش شعر... أ\تميم دراسته علوم سياسية لو ماتعرفوش ده عنه.

مش عارفة أنهي الموضوع بجملة ختام لعل هذا بسبب أن الحديث فيه عن مسرحية فصولها لسة ما خلصتش و النهاية لسة مفتوحة، فلا أملك إلا أن أختم بقوله تعالى (و أنتم الأعلون إن كنتم مؤمنين) و قوله (إن الله يدافع عن الذين ءامنوا).....فمتى نؤمن ننتصر