بعد ما قررت البنات يبقوا رجالة......سألوا طيب يعني إيه كلمة رجل و يعني إيه رجولة؟؟؟؟
حاولوا يستفسروا من الرجالة نفسهم لقوا إجابتين:
ناس تقول: ده عربي ده يا مرسي؟؟؟
و ناس تانية تقول: طبعاً ده عربي، دي العروبة كمان أصل الرجولة بس دي أسرار المهنة و مش هنقول للبنات علشان احنا هنقوم بالواجب لوحدنا.
و والله احنا بنشكرهم جداً بس سامحونا، احنا خلاص قررنا و الوفاء بالعهد أصل الرجولة...... و أدينا هنحاول نبقى رجالة.
و لو مش عايزين تقولوا احنا هنقرأ تاريخ جدودنا، تاريخ رجالة عاشوا قبلينا، بنوا الدنيا و عمروها و أخلاقهم نشروها فعرفنا أحوالهم اللي عاشوها.
و لأننا مش متحيزين و لا عايزين نحتكر الرجولة بالعكس عاوزين ننشرها عسانا نكون حاملي فقه لمن هم أفقه منا، هتكون هيه دي مدونتنا اللي هنتعلم فيها نبقى رجالة.
بس بشرط: دي آآآآآخر مرة هنتكلم بالعامية علشان كمان عاوزين نحافظ على هويتنا و على لغتنا الجميلة....... موافقون؟؟
طبعاً موافقون -احنا هنا بنرسخ كل معاني الديمقراطية.....
انتظرونا
1 Express urself:
سلام عليكم
أولا كلامك جميل أوي
:)
ثانيا أنا شايفة إنه احتمال كبير الرجالة مش قالولك على سر الرجولة و معناها الحقيقي مش عشان يكونوا متفردين بيها وبس... يمكن كمان عشان اللي قابلتيهم رجالة دول قليلين جدا في مجتمعنا أصلا
عجبني أوي اللي كتبتبه في البروفايل بتاعك عن الراجل في الميكروباس :). صح هو دة اللي بيحصل معظم الوقت في أي حتة... و عشان كدة..قررت أتحمل المسئولية زي مابتقولي وأبقى راجل في تصرفاتي، بس برده هفضل بنوتة في الحقيقة
:)
تحياتي
بندق
إرسال تعليق